لشروط التقديم فبتكون من خلال جهتين: الأولى: من خلال الشروط الخاصة بوزارة التربية والتعليم واللى عبارة عن: 1- أن الطالب يكون مصري الجنسية. 2- وإنه يكون خريج مدارس إعدادي عام. 3- وان الطالب يكون حاصل على الشهادة الاعدادية لسنة 2024 بمجموع 220 كحد أدني. 4- وفى نفس الوقت مايزيدش سنه عن 18 سنة في بداية ميعاد التقديم اللى هو فى أول أكتوبر 2023. الحاجة التانية: ان الطالب يجتاز جميع مراحل التقديم بنجاح وشروط القبول الخاصة بكل تخصص.

التخصصات التي تناسب البنات وأكاديمية السويدى الفنية من أوائل المدارس اللى شجعت البنات للإنضمام للتعليم الفنى وانهم يقدموا فى الأكاديمية، والأكاديمية بتوفر ليهم المجالات اللى تناسبهم ولسه هيتم الإعلان عنها ولكن تخصصات العام الماضى زى: 1- فني إلكترونيات صناعية 2-وفنى البرمجيات والتطبيقات الصناعية 3- وكمان فنى عمليات المخازن (وده فى مجال اللوجيستيات)

الأكاديمية بتوفر مجالات وتخصصات دراسية كتير ولسه هيتم الإعلان عنها ولكن تخصصات العام الماضى زى: 1- فنى إنتاج مكونات طاقة (وده مختص بالكابلات) 2- وفنى إنتاج مكونات طاقة (وده بيكون مختص بالمحولات) 3- وفيه كمان فنى تشغيل ماكينات بلاستيك 4- وفنى تشغيل وصيانة ميكانيكية 5- وفنى إلكترونيات صناعية 6- وطبعاً فنى تكنولوجيا الصناعات الدوائية 7- وفنى مسارات كهربائية سابقة التجهيز 8- وكمان فنى إنتاج الحديد والصلب 9- وفنى تكنولوجيا الطباعة والتغليف 10- فنى تشغيل وصيانة المعدات ثقيلة 11- فنى عمليات المخازن ( وده خاص بال Logistics) 12- واخر تخصص هو فنى البرمجيات والتطبيقات الصناعية

أكاديمية السويدى الفنية هى مدرسة ثانوية فنية قايمة على التعليم والتدريب المزدوج ومقرها فى مدينة العاشر من رمضان، الأكاديمية طبعاً بتكون تابعة لوزارة التربية والتعليم ومعتمدة منها، والطالب بعد ما بيخلص دراسة بيحصل على شهادة الدبلوم الفنى للتعليم والتدريب المزدوج بنظام ال 3 سنين، وكمان شهادة خبرة من المصنع اللى اتدرب فيه. نظام التعليم فى الأكاديمية قايم على نظام اسمه "التعليم المزدوج" وده بيطلق عليه نظام 80 - 20، 80% تدريب عملى فى المصانع، و 20% تعليم أكاديمى نظرى. ده غير إن تم إضافة تخصصات تانية تابعة لوزارة الصناعة واللى الطالب هيحصل من خلالها على شهادة "التلمذة الصناعية" من وزارة الصناعة. الأكاديمية بتوفر للطلاب منح دراسية ووسائل إنتقال وطبعاً الزى المدرسى، وإمتيازات تانية كتير.

للأسف مش متاح امكانية التحويل حالياً، لأن من أهم شروط التقديم ان الطالب يكون حديث التخرج من المرحلة الاعدادية، يعنى يكون خريج في نفس عام التقديم للاكاديمية.

بالظبط، الطالب أو الطالبة ممكن يقدم فى الجامعات الحكومية، بس الأهم انه يجتاز اختبارات المعادلة ويكون مجموعه الدراسي متوافق مع التنسيق الخاص بيهم، ده غير انه ممكن يقدم فى الجامعات او المعاهد الخاصة بدون أى معادلات.

* بعد التخرج، أكاديمية السويدى الفنية بتسعى لتوفير فرص عمل تليق بكل الخريجين وكمان بتتابع اجراءات تعيينهم ومتابعتهم بعد التعيين، وفى نفس الوقت الأكاديمية نفسها بتوفر ملتقى توظيف كل سنة واللى بيقدر من خلاله الخريج انه يقدم فى أكتر من شركة، وكمان يختار الشركة او المصنع اللى حابب انه يشتغل فيه، ده غير ان الأكاديمية دايماً بتسعى انها تتعاقد مع الشركات والمصانع الكبيرة عشان توفر أفضل فرص للخريجين وكمان ترشيحهم للوظائف المتاحة . *والحاجة التانية، ان بعد التخرج من أكاديمية السويدي الفنية، الطالب ممكن يقدم فى الجامعة (جامعة السويدى للتكنولوجيا) واللى بيتم التقديم فيها طبقاً للتنسيق والمجموع، ولو حضرتك حابب تعرف تفاصيل أكتر عن الجامعة وتنسيقها وتخصصات الدراسة فيها، ممكن حضرتك تتواصل من خلال رقم 15755 لأى استفسارات أو أسئلة.

أكاديمية السويدي للتعليم الفني هى مدرسة ثانوية فنية للتعليم والتدريب المزدوج في مدينة العاشر من رمضان. تتبع الأكاديمية وزارة التربية والتعليم، ويحصل الخريج على شهادة الدبلوم الفنى للتعليم والتدريب المزدوج (نظام الثلاث سنوات)، بالإضافة الى شهادة خبرة من المصنع الذي تدرب فيه. تتبع الأكاديمية نظام التعليم المزدوج وهو 80% تدريب عملي في المصانع و 20% تعليم أكاديمي نظري، وتم إضافة بعض التخصصات التابعة لوزارة الصناعة والتى يحصل فيها الطالب علي شهادة التلمذة الصناعية من وزارة الصناعة . وتقدم الأكاديمية للطلاب منح دراسية ووسائل إنتقالات وزي مدرسي وامتيازات أخرى.

تخصصات بتناسب البنات وأكاديمية السويدى الفنية من أوائل المدارس اللى شجعت البنات للإنضمام للتعليم الفنى وانهم يقدموا فى الأكاديمية، والأكاديمية بتوفر ليهم المجالات اللى تناسبهم ولسه هيتم الإعلان عنها ولكن تخصصات العام الماضى زى: 1- فني إلكترونيات صناعية 2-وفنى البرمجيات والتطبيقات الصناعية 3- وكمان فنى عمليات المخازن (وده فى مجال اللوجيستيات)

الأكاديمية بتوفر مجالات وتخصصات دراسية كتير ولسه هيتم الإعلان عنها ولكن تخصصات العام الماضى زى: 1- فنى إنتاج مكونات طاقة (وده مختص بالكابلات) 2- وفنى إنتاج مكونات طاقة (وده بيكون مختص بالمحولات) 3- وفيه كمان فنى تشغيل ماكينات بلاستيك 4- وفنى تشغيل وصيانة ميكانيكية 5- وفنى إلكترونيات صناعية 6- وطبعاً فنى تكنولوجيا الصناعات الدوائية 7- وفنى مسارات كهربائية سابقة التجهيز 8- وكمان فنى إنتاج الحديد والصلب 9- وفنى تكنولوجيا الطباعة والتغليف 10- فنى تشغيل وصيانة المعدات ثقيلة 11- فنى عمليات المخازن ( وده خاص بال Logistics) 12- واخر تخصص هو فنى البرمجيات والتطبيقات الصناعية

شروط التقديم فبتكون من خلال جهتين الأولى: من خلال الشروط الخاصة بوزارة التربية والتعليم واللى عبارة عن: 1- أن الطالب يكون مصري الجنسية. 2- وإنه يكون خريج مدارس إعدادي عام. 3- وان الطالب يكون حاصل على الشهادة الاعدادية لسنة 2024 بمجموع 220 كحد أدني. 4- وفى نفس الوقت مايزيدش سنه عن 18 سنة في بداية ميعاد التقديم اللى هو فى أول أكتوبر 2023. الحاجة التانية: ان الطالب يجتاز جميع مراحل التقديم بنجاح وشروط القبول الخاصة بكل تخصص.

الطالب بعد التخرح هيحصل على أكتر من شهادة: *أول شهادة هى شهادة الدبلوم الثانوى الفنى المعتمدة من وزارة التربية والتعليم أو من وزارة الصناعة لبعض التخصصات التابعة لمصلحة الكفاية الإنتاجية. *تانى شهادة هى شهادة الجدارات الدولية المعتمدة من الغرفة التجارية الألمانية ودى بتساهم بشكل كبير فى توفير فرص توظيف في السوق المحلي والدولي لخريجى مدارس السويدى الفنية. * وكمان شهادة خبرة التدريب العملي من المصانع. * وشهادة كورس اللغة الانجليزية الفنية المعتمدة من جامعة كامبريدج بإنجلترا.

بالفعل، الطالب بيحصل على كل الشهادات دى بعد اجتياز كل الاختبارات أثناء فترة الدراسة، سواء كانت الاختبارات اللى بتخضع لامتحانات وزارة التربية والتعليم، أو إمتحانات الغرفة الألمانية فى السنة الأخيرة من من الدراسة، بس الأهم ان الطالب يكون ملتزم ومواظب على الحضور.

نعم، الطالب يقدر يقدم فى المدرسة عندنا أو فى أى مدرسة تانية، لأن كل اللى احنا بنحتاجه حاليا مجرد صور ضوئية للمستندات المطلوبة أو معمولها اسكان يعنى

المستندات المطلوبة عبارة عن: صورة من شهادة ميلاد حديثة للطالب (اللى هى الشهادة المميكنة) صورة شخصية صورة من بطاقة الرقم القومى لولى الأمر (سواء كان للأب أو الأم) وصورة من شهادة اتمام الدراسة الإعدادية بمجرد ظهور النتيجة

أول حاجة الطالب بيملى استمارة التقديم اللى هيتم الإعلان عنها قريباً وبيحمّل كل المستندات أو الأوراق المطلوبة من خلال لينك هيتم مشاركته فى الإعلان وفى نفس الوقت مهم جداً ان الطالب يكون عنده ايميل على ال Gmail، ولو مش متاح ايميل ليه، فلازم يعمل حساب بريد الكترونى ليه على ال Gmail لأنه هيكون وسيلة التواصل بينه وبين الأكاديمية أثناء مرحلة التقديم أو حتى بعد كدة. وطبعاً بمجرد ما يتفتح باب التقديم، ممكن الطالب يقدم مباشرة عن طريق مقر الأكاديمية فى مبنى STA2 ويكون معاه الأوراق المطلوبة للتقديم، وفريق التقديم والقبول بالأكاديمية هيكون متواجد معاه خطوة بخطوة.

مراحل التقديم أو القبول بتم على خمس مراحل: المرحلة الأولى: ودى بتكون عن طريق تقديم الإستمارات الإلكترونية من خلال انك تملى الإستمارة وتضغط على كلمة "إرسال"، بعد كدة حضرتك هتحتفظ برسالة التأكيد ورقم الإستمارة اللى هتظهر لحضرتك وهتوصل على الإيميل الخاص بحضرتك اللى سجلت بيه. المرحلة الثانية: ودى بيتم فيها مراجعة الاستمارات الالكترونية والمرفقات ومطابقة معايير وشروط التقديم. المرحلة الثالثة: ودى مرحلة الاختبارات الفنية وتحديد القدرات المرحلة الرابعة: ودي بتكون مرحلة المقابلات الشخصية للطلاب اللى اجتازوا المرحلة التالتة على حسب معايير وشروط كل تخصص ونتيجة الكشف الطبى. المرحلة الخامسة: ودى مرحلة الاختيار النهائى

أكاديمية السويدى الفنية قامت بالفعل بعمل إتفاقيه مع الغرفه الالمانية العربية للتجارة والصناعة في مصر عشان تقدم شهادة جدارات لطلاب الأكاديمية طبقاَ للمعايير الفنيه المعتمدة من دولة ألمانيا، واللى من خلاله يحصل الطلاب على شهادة مهنية لأول مره في مصر لمستوى B واللى بيوازى 50% من الكفاءات والمهارات المعتمدة في دولة ألمانيا كدولة رائدة في مجال التعليم الفني المزدوج المعنى بالربط بين العملية التعليمية والصناعة بشكل أساسي. ده غير ان شهادة الغرفه الألمانيه العربية للتجارة والصناعة اللى هيحصل عليها الطالب هتساهم بشكل كبير فى توفير فرص توظيف كتيرة وكبيرة في السوق المحلي والدولي لخريجى مدارس السويدى الفنية. الاكاديمية كمان بتمنح الشهادة دى لطلابها فى معظم التخصصات.

شهادة اللغة الإنجليزية الفنية المتخصصة بتأهل الطالب لإحتراف اللغة العملية اللى هتساعده على التعامل مع الماكينات بحرفية عالية جداً.

الأكاديمية بتقدم منح التفوق الأكاديمى والرياضى و منح الدعم المالى للغير قادرين ، وده من خلال ان حضرتك بتملى الإستمارة الخاصة بالمنحة، وبعد إجتياز الطالب أو الطالبة لكل المراحل وقبولهم في المدرسة الأكاديمية بعد كدة بتعمل دراسة للحالة و إستلام كافة المستندات اللى بتدعم سبب المنحة ، وبناءً عليه بتحدد نسبة المنحة الدراسية هتكون قد اية واللى ممكن توصل لحد 100%

للأسف الأكاديمية مش بتوفر سكن حالياً للطلبة بس بتوفر انتقالات في محافظات مختلفة والطالب بيحضر لنقاط التجمع المحددة في المواعيد الخاصة بالباص وده بيكون على مسئوليته ومسئولية ولي الأمر.

بالظبط يافندم، الأكاديمية بتقبل الطلاب من جميع المحافظات، والطالب بيحضر لنقاط التجمع المحددة في المواعيد الخاصة بالباص وده بيكون على مسئوليته ومسئولية ولي الأمر.

الدراسة باللغة العربية فى جميع المواد ماعدا تخصص البرمجيات ده الدراسة بتكون فيه باللغتين، وكمان بيتم دراسة المصطلحات الفنية باللغة الإنجليزية.

الأكاديمية ليها أربع فروع: الفرع الأول: التقسيم ٥، المنطقة الصناعية ٣، الكيلو ٥٩ طريق مصر الإسماعيلية، فى مدينة العاشر من رمضان https://goo.gl/maps/DL4L7Jhyh7GuNmQN7 الفرع الثاني: قطعة رقم 1 - مننطقة بيراميدز لتنمية المناطق الصناعية (بي آي باركس) بجوار شركة LG ، ودى فى مدينة العاشر من رمضان برضه https://goo.gl/maps/T1BTaD3iJRQMQGer7 الفرع الثالث: الحرية - حى المناخ - بجوار المدرسة الميكانيكية -ودى فى مدينة بورسعيد الفرع الرابع : قطعة رقم 3 حي المطور الجبل الأول من المجتمع العمراني الجديد ودى فى مدينة السادات

بالفعل المدرسة ليها مصروفات دراسية وممكن تسدد على تلات أقساط سنوية والأكاديمية كمان بتقدم منح دراسية بتوصل لحد 100% من قيمة الرسوم الدراسية وان شاء الله هيتم الإعلان عنها قريب جداً، حضرتك ممكن تتابعنا بالاتصال أو من خلال الصفحة الرسمية الخاصة بالأكاديمية عشان حضرتك تعرف كل جديد عنها. بالنسبة للمصروفات الحكومية دى عبارة عن مصروفات رمزية بيتم اخطار الطالب بيها بمجرد ما يتقبل وبعد إجتيازه جميع مراحل التقديم بنجاح وأثناء مرحلة توقيع العقد.

الأكاديمية بتقدم مميزات كتير جداً للطلبة: * أول حاجة طبعاً هى نظام التعليم نفسه واللى بيطلق عليه "التعليم المزدوج" (اللى بيعتمد على 80% تدريب عملى وتطبيقى فى المصانع – 20% تعليم نظري) * وشهادة الجدارات الدولية المعتمدة من الغرفة التجارية الالمانية * وكمان شهادة دبلوم ثانوى فني بنظام ال 3 سنين والمعتمده من وزارة التربية والتعليم والتعليم الفني * وشهادة خبرة التدريب العملي من المصانع * ده غير شهادة كورس اللغة الانجليزية الفنية المعتمدة من جامعة كامبريدج بإنجلترا. * وطبعاً ال uniform أو الزي المدرسي * والإنتقالات من والى المدرسة والمصنع من نقاط تجمع فى المحافظات المختلفة. * وكمان وجبة غذائية أثناء التدريب العملى يتم توفيرها طبقاً لسياسة كل مصنع. * وكمان هيحصل الطالب على بدل تدريب عملي يوصل لــــــــــ400ج/شهري للسنة الأولى فى الأكاديمية. * وكمان امكانية التعلم عن بعد.

الإختبارات عموماً هتكون في مقر STA 2 وهيتم التواصل مع كل مجموعة وإبلاغهم بالموعد المحدد للاختبارات دى لهم أول ما باب التقديم يفتح، وحضرتك ممكن تتابع صفحة الأكاديمية عشان يوصلك كل جديد https://www.facebook.com/elsewedytechnicalacademy